PILIPPI 3:7 - BIBEL JAMITA NA DENGGAN

⁷ Tapi hara ni Kristus, sasudena na huetong parlaboan najolo, anggo saonnari gabe hararugi noma i.

PILIPPI 3:7 ပူးပေါင်းရင်းမြစ်များ

PAMUNGKAAN 19:17

Dung i didok sahalak sian surusuruan i ma, “Marlojong ma hamu, palua hosamunu! Ulang manaili tu pudi jana ulang maradian di rura. Tu dolok-dolok ma lojongi hamu, anso ulang mate hamu!”

PAMUNGKAAN 19:26

Tapi manaili ma dadaboru ni si Lot tu pudi jadi muba ma ia gabe batu sira.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

PODA 13:8

Dipake na kayo do hepengna anso aman ngoluna; hapengani halak na pogos bebas do sian ancaman.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

PARJAMITA 3:6

Adong do hatiha laho padapotkon dohot hatiha agoan; hatiha laho pasimpankon dohot hatiha marabur-abur.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MARKUS 10:50

Dung i ditalduskon ia ma gobak-gobaknia i, diompoti ia ma jongjong, kehe ma ia mandapotkon Jesus.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

LUKAS 14:33

Ujungna ninna Jesus ma, “Laing songon i ma hamu. Umpe sahalak sian hamu tarbaen gabe siihutkon Au, anggo so tartinggalkon ia do sasude na adong disia.”

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

BAENON NI ANGKA RASUL 27:38

Dung butong mangan halahi sude, diambungkon halahi ma gandum muatan ni kapal i tu laut anso murnayang kapal i.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.