PILIPPI 3:3 - BIBEL JAMITA NA DENGGAN

³ Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

PILIPPI 3:3 ပူးပေါင်းရင်းမြစ်များ

MASMUR 105:3

Marjop ni roha ma hita, angke Ia do nampuna hita, sai marjop ni roha ma sude na marsomba tuSia.

JESAYA 45:25

Hape anggo pomparan ni si Jakob paluaonKu ma, jana pujion ni halahi ma Au Tuhan.

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 15:17

Hara ni i tola do au mamuji diringku di bagasan Jesus Kristus taringot tu Debata.

SURAT NI SI PAULUS TU PARLAGUTAN ROM 7:6

Tapi anggo saonnari madung dipalua hita sian Tona i na maniopi hita, angke madung mate hita disia, gabe mangoloi do hita di bagasan haimbaruan mangihutkon Tondi, jana nada di bagasan habuburuk ni surat i.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

SURAT NI SI PAULUS TU PARLAGUTAN ROM 8:39

sanga angka pangalaho na di ginjang bope na di toru, sanga pe angka na asing na nitompa, nada tarbaen manyirang hita sian holong ni roha ni Debata, na di bagasan Kristus Jesus Tuhanta i.

SURAT NI SI PAULUS TU PARLAGUTAN ROM 9:6

Tapi anggo hata ni Debata nada sundat. Angke nada sasude na topak sian Israel, tutu halak Israel.

2 KORINTUS 11:18

Bahat do nian halak na pagodang diri hara ni angka pangalaho na di tano on, jadi au pe por do rohangku mamuji diringku saotik.

GALATIA 5:25

Madung dilehen Tondi Parbadia tu hita hangoluan na imbaru, hara ni i marguru tu Tondi i ma pardalan ni ngolunta.

GALATIA 6:16

Di angka na mangolu songon pandiriankon, dohot di sude halak ni Debata, arop do rohangku lehenon ni Debata hasonangan dohot ibo ni rohaNia.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

PANGARATAION 10:16

Jadi mamungka sian saonnari, sai marpangoloion ma hamu tu Tuhan jana ulang be marjogal ni roha hamu.

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

PILIPPI 3:12

Nada hudok na dung marhasil au, sanga na dung gabe sanggam. Tapi na torus dope au marusaho manjalahi upa na niparade ni Jesus Kristus i. Hara ni i do umbaen na nitangkupNia au jana dibaen Ia gabe nampunaNia.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

KOLOSSE 2:11

Di na mardomu dohot Kristus, madung disunat hamu. Nada dohot sunat na nibaen ni jolma, tapi dohot sunat na nibaen ni Kristus do; i ma markite-hite na paluahon hamu sian bako ni jolma na adong hian di hamu.

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia