PILIPPI 2:4 - BIBEL JAMITA NA DENGGAN

⁴ Ulang hum na mamikirkon dirina sajo hamu; angkon laing pikirkononmunu do haporluan ni dongan na asing.

PILIPPI 2:4 ပူးပေါင်းရင်းမြစ်များ

ESTER 2:22

Tarboto si Mordehai ma sangkap i jana manigor dipaboa ia ma i tu si Ester. Nada be marlambat-lambat, dicaritohon si Ester ma tu raja i sanga aha na niboto ni si Mordehai i.

BILANGAN 32:6

Dialusi si Musa, “Bia, giot tinggal hamu dison? Salangkan angka kahanggimu angkon kehe dope marporang.

MATEUS 18:6

“Sanga ise na mambaen gabe so porsaya be angka na menek on tu Au, gumonan ma ditambatkon losung batu tu rungkung ni halak sisongon i, anso nibonomkon i tu laut na bagas.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

1 KORINTUS 10:24

Ulang ma adong hum na pareso tu dirina sajo. Ganop be ma manggogo patupa haporluan ni dongan na asing.

2 KORINTUS 11:29

Muda adong na gale, nada he gabe dohot do au gale? Muda adong na madabu tu dosa, nada he magopu do ate-atengku?

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

PILIPPI 2:21

Anggo na asing i do, hum na pareso tu dirina sandiri be do, jana nada tu haporluan ni Jesus Kristus.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”