PILIPPI 2:28 - BIBEL JAMITA NA DENGGAN

²⁸ Hara ni i muse ma umbaen na mur gogo rohangku marsuru ia mulak tu hamu, anso marjop ni roha hamu mangulahi dung marsuo dohot ia, jana rohangku pe gabe sonang.

PILIPPI 2:28 ပူးပေါင်းရင်းမြစ်များ

PAMUNGKAAN 48:11

Jadi didok si Jakob ma tu si Josep, “Inda huambang marsuo be au dohot ho, hape saonnari salang dohot dakdanakmu laing diloas Debata dope huida.”

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

BAENON NI ANGKA RASUL 20:38

Gabe marsak ma halahi lumobi hara ni na nidok ni si Paulus i na so idaon ni halahi be ia. Dung i dipataru halahi ma ia lopus tu kapal.

2 KORINTUS 2:3

Hara ni i do umbaen na husuratkon songon i tu hamu. Nada ra au ro manopot hamu anso marsak, harana hamu do na sapatutna angkon pajop rohangku. Harana pos do rohangku, muda marjop ni roha au, dohot do hamu sude marjop ni roha.

PILIPPI 2:29

Jadi jagit hamu ma ia di bagasan Tuhan i dohot sude jop ni roha songon dongan sahaporsayaan. Argahon hamu ma sanga ise halak na songon ia.

2 TIMOTEUS 1:4

Huingot do hamamarsak ni rohamu. I do umbaen na songon i situtu ni rohangku anso marsuo dohot ho anso tarbaen au nian marjop ni roha situtu.