PILIPPI 2:26 - BIBEL JAMITA NA DENGGAN

²⁶ Malungun situtu do ia mida hamu sudena jana marsak do rohania betak na dung lalu tu hamu barita paboa na marnyae ia.

PILIPPI 2:26 ပူးပေါင်းရင်းမြစ်များ

2 SAMUEL 13:39

tapi dung disalpui ia hamamarsaknia i, gabe sun ma lungun ni rohania tu si Absalom.

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

JOB 9:27

Muda mikim au jana gonggong marjop ni roha, muda huuji manghalupahon sandok susa, gabe sai ro do mulak arsakku mangkojar di pudingku. Angke huboto do, sai na matua disalahon Debata do au.

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

PODA 12:25

Holsoan paago jop ni roha, tapi hata na tabo mambaen sonang roha.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 26:37

Dung i dipiohon Ia ma anso dohot si Petrus rap dohot anak ni si Zebedeus na dua i kehe rap dohot Ia. Mamungka ma idaon marsak Ia disi, susa sajo.

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

SURAT NI SI PAULUS TU PARLAGUTAN ROM 1:11

Harana sai malungun do au marsuo dohot hamu anso tarlehen au nian di hamu silehen-lehen partondion laho patoguhon hamu.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

SURAT NI SI PAULUS TU PARLAGUTAN ROM 9:2

Marsak sajo do au jana magopu ate-atengku

1 KORINTUS 12:26

Muda markancit sabagian, gabe markancit muse do sude angka bagian na asing; muda dapotan pujian sabagian sude angka bagian na asing i dohot do marjop ni roha.

2 KORINTUS 9:14

Halahi pe dioban do hamu di tangiangna, jana lungun do rohana di hamu hara ni na marningot asi ni roha na sumurung na sian Debata tu hamu.

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

PILIPPI 1:3

Ganop taringot rohangku tu hamu, tongtong do mandok tarimakasi au tu Debata.

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

PILIPPI 2:27

Tutu do ia na marnyae, jabat giot mate. Tapi ibo do roha ni Debata disia, jana nada hum tusia sajo, tapi dohot do tu au, anso ulang mur martamba be arsakku.

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.