PILIPPI 2:25 - BIBEL JAMITA NA DENGGAN

²⁵ Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

PILIPPI 2:25 ပူးပေါင်းရင်းမြစ်များ

PODA 25:13

Suruan na nihaposan, mambaen sonang na marsurusa, tudos tu aek na borgo di halak na manyabi di saba.

JOHANNES 13:16

Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

SURAT NI SI PAULUS TU PARLAGUTAN ROM 16:3

Palalu hamu ma tabengku tu si Priskila dohot si Akuila, i ma angka donganku saparkarejoan di bagasan Kristus Jesus.

SURAT NI SI PAULUS TU PARLAGUTAN ROM 16:9

Paboa hamu ma tabengku tu si Urbanus, donganta saparkarejoan na rap dohot hita di bagasan Kristus i. Dohot tu si Stakus na huhaholongi i.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

2 KORINTUS 2:13

Tapi inda sonang huhilala, hara ni na so marsuo au dohot donganta si Titus disi. Gabe huparmisihon noma tu halak kota i lalu kehe au tu Makedonia.

PILIPPI 2:26

Malungun situtu do ia mida hamu sudena jana marsak do rohania betak na dung lalu tu hamu barita paboa na marnyae ia.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

KOLOSSE 1:7

Si Epafras do na pasahatkon i tu hamu, i ma ale-ale haholongannami i. Parkarejo ni Kristus do ia na sai burju tongtong markarejo laho manyarihon hamu.

KOLOSSE 4:11

Tabe sian Jesus, i ma na nigoaran muse si Justus, sian sude halak Jahudi na mangkaporsayai Tuhan Jesus, hum halahi na tolu sajo noma saonnari na laing rap karejo dohot au laho mandalankon karejo na sian Debata. Tutu do diurupi halahi au.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

PILEMON 1:24

Laing jagit ma tabe ni angka donganku: Si Markus, si Aristarkus, si Demas dohot si Lukas.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.