PILIPPI 2:22 - BIBEL JAMITA NA DENGGAN

²² Hamu sandiri pe madung diida hamu buktina na marguna si Timoteus. Marsitutu do ia na karejo i rap dohot au laho pararatkon Jamita Na Denggan i na sian Debata. Songon ama tu anakna do hami na dua.

PILIPPI 2:22 ပူးပေါင်းရင်းမြစ်များ

BAENON NI ANGKA RASUL 16:2

Sian tonga-tonga ni angka na porsaya na adong di Listra dohot Ikonium, tarbarita do na burju si Timoteus on.

SURAT NI SI PAULUS TU PARLAGUTAN ROM 5:4

jana hasobaron parohon tahan uji, jana tahan uji parohon arop ni roha.

1 KORINTUS 16:10

Muda ro si Timoteus, denggan ma jagit hamu ia anso tahan ia lolot di tonga-tongamunu, harana sarupa dohot au do ia, na markarejo di Tuhan i.

1 KORINTUS 4:17

Ihut tusi madung husuru si Timoteus mandapotkon hamu. Songon halak siihutkon Kristus, songon anakku sandiri do ia na huhaholongi. Anak haposan do i. Paboaonnia ma tu hamu sanga na bia ngolu na hudalankon dung porsaya au tu Kristus, i ma pardalan ni ngolu na huajarkon di ganop parlagutan sanga na di dia pe.

2 KORINTUS 2:9

Hubaen pe surat i tu hamu, laho manguji rohamunu do au sanga na tongtong do hamu ra mangoloi angka sipaingotku.

2 KORINTUS 8:22

Laing hami suruhon do sahalak donganta na asing rap dohot si Titus donganta i. Madung jotjot ia hami uji jana tongtong do sai ra ia mangurupi. Tarlobi-lobi saonnari, ringgas do rohania laho mangurupi hamu hara ni godang ni arop ni rohania di hamu.

2 KORINTUS 8:24

On pe patidahon hamu ma holong ni rohamunu maradopkon halahi jana sanga aha na hami taringoti gabe pujian salaho tu hamu, sai tutu ma nian songon i.

2 KORINTUS 8:8

Nada songon parenta husosohon i tu hamu. Tapi na patuduhon haburjuon ni angka dongan na asing do mangalehen sumbangan laho mangurupi halak. Au pe giot ujionku do sanga na intap ni dia holong ni rohamunu.

PILIPPI 1:12

Giotku diboto hamu ma nian, anggo angka pangalaho na masa tu au, i do mambaen mur rarat Jamita Na Denggan i.

PILIPPI 1:16

Anggo halahi hara ni holong ni rohana tu Debata do dibaen halahi songon i, mampartahankon Jamita Na Denggan i.

PILIPPI 1:5

Mandok tarimakasi do au tu Debata angke sian ari parjolo lopus tu saonnari, sai diurupi hamu do au pararatkon Jamita Na Denggan na sian Debata.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

PILIPPI 2:20

Hum sada si Timoteus sajo ma i dison na tutu sapangkilalaan dohot au jana na tutu manyarihon hasonanganmunu.

1 TIMOTEUS 1:18

Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

2 TIMOTEUS 1:2

Tu si Timoteus, anakku na nihaholongan. Asi ni roha dohot hasonangan ma di ho, sian Debata Ama dohot Kristus Jesus, Tuhanta i!

2 TIMOTEUS 3:10

Tapi madung diihutkon ho angka pangajaran na sian au, parangengku dohot tujuan ni ngolungku. Madung diida ho sandiri haporsayaanku, hasobaronku, holong ni rohangku dohot pohom ni rohangku.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.