PILIPPI 2:21 - BIBEL JAMITA NA DENGGAN

²¹ Anggo na asing i do, hum na pareso tu dirina sandiri be do, jana nada tu haporluan ni Jesus Kristus.

PILIPPI 2:21 ပူးပေါင်းရင်းမြစ်များ

2 RAJA-RAJA 12:6

Hape lopus tu taon padua pulu toluhon dung mamarenta si Joas, laing na so dipadenggan angka malim i dope angka na sego di Bagas Ni Debata.

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

BAENON NI ANGKA RASUL 13:13

Sian Papos markapal ma si Paulus rap dohot angka dongannia i tu Perga na di kota Pamfilia. Ditadingkon si Johannes ma halahi disi, mulak ia tu Jerusalem.

BAENON NI ANGKA RASUL 15:38

hape nada tumbuk be tu roha ni si Paulus padohot si Markus, hara ni na so ra ia rap markarejo dohot halahi di na nitadingkonnia halahi di Pamfilia, na salpu i.

1 KORINTUS 10:24

Ulang ma adong hum na pareso tu dirina sajo. Ganop be ma manggogo patupa haporluan ni dongan na asing.

1 KORINTUS 10:33

Songon ngolungkon ma parngoluonmunu. Sai huparayak do pasonang roha ni sudena halak di bagasan sasude na hukarejohon, so pola giot mambuat untung di au sandiri. Anggo tujuanku hum on do; anso tarpalua nian halahi sudena.

1 KORINTUS 13:5

Nada jais holong ni roha i, jana nada manjalahi labo tu dirina sandiri. Nada parmuruk i jana nada disimpan ia hasalaan ni halak na asing.

2 KORINTUS 1:5

Angka hasusaan na nitaon ni Kristus i pe, madung bahat hami taon. Hara ni i do umbaen na mur togu rohanami markite-hite Kristus.

PILIPPI 2:4

Ulang hum na mamikirkon dirina sajo hamu; angkon laing pikirkononmunu do haporluan ni dongan na asing.

2 TIMOTEUS 1:15

Diboto ho do na dung morot sude halak na di Luat Asia manadingkon au, dohot ma disi si Pigelus dohot si Hermogenes.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

2 TIMOTEUS 4:10

harana madung ditinggalkon si Demas au hara ni holong ni rohania tu portibi on. Madung kehe ia tu Tessalonika. Si Kreskes pe madung kehe tu Galatia jana si Titus tu Dalmatia.

2 TIMOTEUS 4:16

Di na parjolo hupajojor pambelaanku umpe sahalak na ro mandongani au; kehe do sude manadingkon au. Sai ulang ma nian dipasala Debata halahi taringot tusi!