PILIPPI 2:20 - BIBEL JAMITA NA DENGGAN

²⁰ Hum sada si Timoteus sajo ma i dison na tutu sapangkilalaan dohot au jana na tutu manyarihon hasonanganmunu.

PILIPPI 2:20 ပူးပေါင်းရင်းမြစ်များ

MASMUR 55:13

Tapi dibaen sian ho do antong, donganku, ale-alengku, dongan ari-ari di au.

PODA 31:29

“Bahat do dadaboru na denggan,” ning halaklahina; “tapi ho ma i na dumenggan sian sudena halahi.”

JOHANNES 10:13

Marlojong do parkarejo na niupaan i, angke hara ni na niupaan do ia antong umbaen na karejo; nada dipardulihon ia anggo biri-biri i.

JOHANNES 12:6

Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)

SURAT NI SI PAULUS TU PARLAGUTAN ROM 15:5

Debata do mual ni hapohoman dohot pangapoion. Sai dilehen Ia ma di hamu hasadaon mangihutkon hagiot ni Kristus Jesus,

1 KORINTUS 16:10

Muda ro si Timoteus, denggan ma jagit hamu ia anso tahan ia lolot di tonga-tongamunu, harana sarupa dohot au do ia, na markarejo di Tuhan i.

PILIPPI 2:2

Hara ni i pasonang hamu ma jolo rohangku di bagasan angka pangalaho sisongon on: Saroha ma hamu na mangolu i di bagasan holong ni roha na sarupa dohot pikiran na sarupa bope dohot tujuan na sarupa.

PILIPPI 2:22

Hamu sandiri pe madung diida hamu buktina na marguna si Timoteus. Marsitutu do ia na karejo i rap dohot au laho pararatkon Jamita Na Denggan i na sian Debata. Songon ama tu anakna do hami na dua.

KOLOSSE 4:11

Tabe sian Jesus, i ma na nigoaran muse si Justus, sian sude halak Jahudi na mangkaporsayai Tuhan Jesus, hum halahi na tolu sajo noma saonnari na laing rap karejo dohot au laho mandalankon karejo na sian Debata. Tutu do diurupi halahi au.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

2 TIMOTEUS 1:5

Taringot do tu rohangku situtu ni haporsayaanmu tu Kristus, sarupa tu haporsayaan ni ompungmu si Lois dohot inanta si Eunike. Jana au pe pos do rohangku, laing songon i muse haporsayaanmu.

2 TIMOTEUS 3:10

Tapi madung diihutkon ho angka pangajaran na sian au, parangengku dohot tujuan ni ngolungku. Madung diida ho sandiri haporsayaanku, hasobaronku, holong ni rohangku dohot pohom ni rohangku.

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.