PILIPPI 2:2 - BIBEL JAMITA NA DENGGAN

² Hara ni i pasonang hamu ma jolo rohangku di bagasan angka pangalaho sisongon on: Saroha ma hamu na mangolu i di bagasan holong ni roha na sarupa dohot pikiran na sarupa bope dohot tujuan na sarupa.

PILIPPI 2:2 ပူးပေါင်းရင်းမြစ်များ

MASMUR 122:8

Hara ni angka koum dohot ale-alengku, hudok, “Sai horas torkis ma ho!”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

BAENON NI ANGKA RASUL 2:1

Dung dapot Ari Pentakosta marlagut ma di sada inganan sudena na porsaya i.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

BAENON NI ANGKA RASUL 5:12

Hara ni pangkobasion ni angka rasul i, gabe bahat do hahomangan dohot na so unjung masa tarjadi di tonga-tonga ni halak na bahat i. Saroha ma angka na porsaya i marlagut di Emper Salomo.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

2 KORINTUS 2:3

Hara ni i do umbaen na husuratkon songon i tu hamu. Nada ra au ro manopot hamu anso marsak, harana hamu do na sapatutna angkon pajop rohangku. Harana pos do rohangku, muda marjop ni roha au, dohot do hamu sude marjop ni roha.

2 KORINTUS 7:7

Nada hum hara ni haroro ni si Titus umbaen na tarapul rohanami, tapi dohot do hara ni boa-boania na tarapul ia sandiri hara ni hamu. Pandoknia tu hami: Na lungun sajo do rohamunu marsuo dohot au; na manyosal situtu rohamunu jana saonnari sian sonang ni rohamunu giot urupanmunu ma au. Angka i ma na mambaen mur tamba jop ni rohangku.

PILIPPI 1:4

Jana ganop hutangiangkon hamu sudena, sai di bagasan jop ni roha do au na martangiang i.

PILIPPI 2:20

Hum sada si Timoteus sajo ma i dison na tutu sapangkilalaan dohot au jana na tutu manyarihon hasonanganmunu.

PILIPPI 4:2

Hupaingot do si Euodia dohot si Sintike anso saroha halahi di bagasan Tuhan i.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

2 TIMOTEUS 1:4

Huingot do hamamarsak ni rohamu. I do umbaen na songon i situtu ni rohangku anso marsuo dohot ho anso tarbaen au nian marjop ni roha situtu.

PILEMON 1:20

Jadi hara ni i laing urupi ma jolo au hara ni Tuhan i; pajop ma jolo rohangku songon kahanggimu hara ni Kristus.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

3 JOHANNES 1:4

Nada adong jop ni rohangku na gumodang di balik ni on, muda hubege na mardalan do dakdanakku di bagasan hasintongan i.