PILIPPI 2:19 - BIBEL JAMITA NA DENGGAN

¹⁹ Mardongan pangurupion ni Tuhan Jesus porsaya do au, manigor tarsuruhon au do si Timoteus manopot hamu; anso tarapul rohangku umbege barita taringot tu hamu.

PILIPPI 2:19 ပူးပေါင်းရင်းမြစ်များ

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

MATEUS 12:21

jana mararop ni roha tuSia ma sude angka bangso.”

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

SURAT NI SI PAULUS TU PARLAGUTAN ROM 16:21

Si Timoteus donganki pe palalu tabe do tu hamu angka dongan sahaporsayaan. Songon i dohot sian si Lukius, si Jason dohot si Sosipater donganku samarga.

1 KORINTUS 4:17

Ihut tusi madung husuru si Timoteus mandapotkon hamu. Songon halak siihutkon Kristus, songon anakku sandiri do ia na huhaholongi. Anak haposan do i. Paboaonnia ma tu hamu sanga na bia ngolu na hudalankon dung porsaya au tu Kristus, i ma pardalan ni ngolu na huajarkon di ganop parlagutan sanga na di dia pe.

EPESUS 1:13

Laing songon i muse do hamu – hara ni na dung nibegemunu hata hasintongan i, i ma Jamita Na Denggan haluaanmunu i – di bagasan Ia, dung porsaya hamu, madung dimeteraihon hamu markite-hite Tondi Parbadia na nijanjihonNia i.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

PILIPPI 2:18

Laing songon i ma sugari, mandok tarimakasi muse ma hamu jana dohot marjop ni roha rap dohot au.

PILIPPI 2:28

Hara ni i muse ma umbaen na mur gogo rohangku marsuru ia mulak tu hamu, anso marjop ni roha hamu mangulahi dung marsuo dohot ia, jana rohangku pe gabe sonang.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

1 TESSALONIKA 3:5

Jadi dung so tartaon be lungunna, gabe husuru ma si Timoteus, anso huboto sanga na bia pangalaho ni haporsayaanmunu. Songon na ganggu do rohangku betak na nigoda ni tukang goda i do hamu, gabe sayang sude halojaonnami i.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

JAKOBUS 4:15

Angkon songon on do nian dokkononmunu, “Muda ibo roha ni Tuhan, mangolu ma hami jana baenonnami ma songon on sanga songon an.”

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.