PILIPPI 2:15 - BIBEL JAMITA NA DENGGAN

^15-16 Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

PILIPPI 2:15 ပူးပေါင်းရင်းမြစ်များ

MASMUR 122:5

Dison ma angka raja ni Israel manguhumi bangsoNa.

HARURUAR 34:35

jana diida halahi ma marsinondang bohinia. Gabe digupgupi si Musa ma bohinia i mangulahi lopus masuk ia mangulahi mangadop laho mangkatai dohot Tuhan.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

PODA 8:8

Hombar do tu hatutuan angka na hudokkon, umpe sada na sala sanga pe na paliluhon.

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

DANIEL 6:4

Manigor torang ma tarida na dumenggan parkarejoan ni si Daniel ulang pado angka gubernur dohot angka parpangkat na gincat na asing i. Hara ni i, por ma roha ni raja i giot mangangkat ia gabe parkuaso di sude harajaan i.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

BAENON NI ANGKA RASUL 2:40

Songon i ma dipatorang si Petrus tu halahi dohot ragam-ragam pandohan na asing, jana dipaingot ia halahi, ninna ma, “Sai ra ma hamu nipalua sian sundut na jahat on.”

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

SURAT NI SI PAULUS TU PARLAGUTAN ROM 16:19

Angke diboto halak do sudena taringot tu pangoloionmunu, jadi jop do rohangku hara ni hamu jana di pangido rohangku, anso pistar hamu tu na denggan, tapi ias maradopkon hajahatan.

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PILIPPI 1:10

anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

PILIPPI 3:6

Songon i ma situtu ni rohangku jabat do huparkanciti parlagutan i. Muda nitimbang sian angka Tona ni ugamo Jahudi, au ma sada halak na burju na so adong hurangna.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

1 TIMOTEUS 3:10

Angkon jolo niuji ma halahi nian, jadi muda torang do na so adong tilako ni halahi sanga na aha, i pe anso tola halahi mangurupi di parlagutan i.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

1 TIMOTEUS 5:7

Paboa ma na hudok on tu halahi, anso ulang martilako halahi.

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.

TITUS 2:10

sanga manangko. Angkon patuduhonon ni halahi do na tongtong halahi denggan jana burju; anso dipuji halak pangajaran taringot tu Debatanta Sipalua i hara ni pambaenan ni halahi.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.