PILIPPI 2:14 - BIBEL JAMITA NA DENGGAN

¹⁴ Ulang ma marungut-ungut sanga martongkar hamu mangkarejohon sanga na aha.

PILIPPI 2:14 ပူးပေါင်းရင်းမြစ်များ

MASMUR 106:25

Marungut-ungut halahi di bagasan undung-undung nada ra be manangihon na nidokMu.

PODA 13:10

Mambaen parbadaan do gincat ni roha; tapi na manangihon poda dapotan bisuk do.

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.

MATEUS 20:11

Hatiha na manjagit hepeng i halahi, mungut-ungut ma halahi tu nampuna kobun i.

MARKUS 14:5

Harana sugari nigadis miak i, ma mararga i lobi tolu ratus hepeng perak. Madung tarlehen hepengna i tu angka halak na pogos!” Gabe dimuruhi halahi ma anak boru i.

MARKUS 9:14

Jadi dung rap halahi dohot anak sisean na asing i, ma bahat diida halahi halak disi. Martongkari topet angka Siboto Surat dohot angka anak siseanNia i.

LUKAS 5:30

Jadi mungut-ungut ma angka halak Parise dohot angka Siboto Surat, gabe didok halahi ma tu angka anak sisean ni Jesus, “Biasi rap mangan minum hamu sudena dohot sitagi-pajak dohot angka na nietong ni halak jolma na so ture?”

BAENON NI ANGKA RASUL 15:2

Manggogo do si Paulus dohot si Barnabas mangalo halahi. Ujungna ditontuhon ma anso kehe si Paulus dohot si Barnabas rap dohot deba nari na asing tu Jerusalem laho manaringoti salaho tusi tu angka rasul dohot angka pangituai na disi i.

BAENON NI ANGKA RASUL 15:39

Gabe marbada godang ma si Paulus dohot si Barnabas lopus marsirang halahi: Dioban si Barnabas ma si Markus markapal laut tu Siprus.

BAENON NI ANGKA RASUL 15:7

Lolot do halahi na martukar pikiran i. Ujungna jongjong ma si Petrus mandok hata, “Hamu ale angka dongan! Diboto hamu do di hatiha na salpu, dipili Debata do au sian tonga-tongamunu laho manjamitahon Jamita Na Denggan i tu angka halak na asing na so Jahudi, anso dohot halahi umbegesa dohot mangkaporsayai.

BAENON NI ANGKA RASUL 6:1

Di hatiha i, dung mur martamba angka sisean, ro ma ungut-ungut ni halak Jahudi na marhata Junani tu angka na marhata Ibrani, hara ni pambagian ni pangurupion tu angka na mabalu ni halahi na hurang tigor.

SURAT NI SI PAULUS TU PARLAGUTAN ROM 12:18

Intap ni na tarbaen, mardame ma ngolumunu tu halak sudena.

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

SURAT NI SI PAULUS TU PARLAGUTAN ROM 16:17

Tapi hupaingot ma hamu, ale dongan, pardimata hamu ma angka na mangalo pangajaran na niguruhonmunu i, jana na mambaen parsalisian dohot pardandian. Padao hamu ma sian halahi.

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

1 TESSALONIKA 5:13

Patuduhon hamu ma sangap na sagodang-godangna tu halahi. Haholongi hamu ma halahi marningot karejo na nibaen ni halahi. Sai mardame ma hamu na sada tu na asing.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

1 PETRUS 3:11

Angkon mandao do ia sian na jahat jana dipatulus ia ma na denggan; marsitutu ma ia parayakkon hadameon.

1 PETRUS 4:9

Marsijagitan ma hamu na sada tu na asing di bagasna be, so pola humolos.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.