PILIPPI 2:13 - BIBEL JAMITA NA DENGGAN

¹³ angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

PILIPPI 2:13 ပူးပေါင်းရင်းမြစ်များ

1 RAJA-RAJA 8:58

Sai dibaen Ia ma hita gabe halak na burju tuSia anso sude ngolunta mangihutkon hagiotNia jana burju patulus angka tona dohot parenta na dung nilehenNia tu ompunta.

2 JUJUR TAON 30:12

Di Juda pe markarejo do Debata jana dipasada Ia do roha ni rayat i anso marsitutu mangoloi hagiot ni Debata marhite na mangihutkon parenta ni raja i dohot angka pagawena i.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

ESRA 1:5

Dung i markobas mulak ma angka kapala ripe na sian Marga Juda dohot Benyamin, angka malim dohot angka halak Levi maradu sude halak na nigorakkon ni Debata rohana dohot laho mambangun Bagas Ni Tuhan mangulahi.

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

JOB 33:29

Marulak noli do i, dibaen Debata na songon i,

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

MASMUR 119:36

Lehen ma di au lungun ni roha laho mangoloi aturanMu, manyalpui por ni roha gabe mamora.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:38

Gabe bangsongKu ma halahi, jana Au gabe Debata ni halahi.

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

JOHANNES 3:27

Dialusi si Johannes ma, “Nada tarbaen jolma mangkarejohon bagi na aha pe, anggo so dilehen Debata i disia.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.

JOHANNES 6:65

Dung i didok Jesus ma mangulahi, “Hara ni i ma umbaen na Hudok tu hamu, umpe sahalak tarbaen ro tu Au anggo so dilehen Damang dalan disia laho mandapotkon Au.”

BAENON NI ANGKA RASUL 11:21

Jadi didongani tangan ni Tuhan do halahi mambaen bahat halak gabe porsaya jana pasahatkon dirina tu Tuhan.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

SURAT NI SI PAULUS TU PARLAGUTAN ROM 9:16

Antong nada marguru tu hagiot ni jolma, sanga pambaenan ni jolma, tapi tu holong ni roha ni Debata do.

1 KORINTUS 12:6

Marrupa-rupa do dalanna mangkarejohon karejo ni Debata, tapi anggo na mangalehen gogo tusi di ganop halak, laing Debata na sada i do.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 2:8

Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

2 TESSALONIKA 1:11

Hara ni i ma dibaen na tongtong hami tangiangkon hamu. Hami tangiangkon do anso nian halak na tumbuk hamu di pamioon ni Debata. Sai diurupi Debata ma hamu hara ni kuasoNa i, anso tarpatulus hamu sudena na denggan na nihalungunkonmunu hombar tu haporsayaan i. Laing hami tangiangkon do, anso nian hara ni kuaso ni Debata, laing dipaujung Ia ma angka karejo na nikarejohonmunu hombar tu haporsayaanmunu i.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.