Laing dipasahat raja i ma tu si Josep kareta harajaan nomor dua pakeonnia dohot pangawal hasangapan ni raja i pe mardalan ma di jolo ni kareta i, marsurak ma halahi, “Loas hamu dalan i! Paloas hamu dalan i!” Songon i ma si Josep diangkat gabe gubernur di tano Mesir sude.
Didandan halahi ma duri-duri gabe tuku, dipamasuk halahi ma i tu ulu ni Jesus. Dilehen halahi ma sada tungkot tu tanganNia. Marsomba ma halahi di joloNia palayas-layaskon. “Santabi ma di Ho ale Raja ni halak Jahudi!”
Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.
Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.
manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,
Hape nada adong sahalak pe na sanggup mangungkap karotes na nibalun i laho mangaligi tu bagasanna, bope na di banua ginjang bope na di tano dohot na di toru ni tano dope.