PILIPPI 1:9 - BIBEL JAMITA NA DENGGAN

⁹ On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

PILIPPI 1:9 ပူးပေါင်းရင်းမြစ်များ

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

2 KORINTUS 8:7

Burju do hamu di sude pangalaho. Denggan do hamu di na mangkaporsayai, di na paboahon pandapot, di parbinotoan, di ragam-ragam ni karejo, dohot di bagasan holong ni rohamunu maradopkon hami. Jadi hara ni i, angkon laing umburju muse ma hamu nian di karejo na denggan on.

EPESUS 5:17

Ulang hamu maoto, tapi sihiri hamu ma sanga aha giot ni Tuhan i sibaenonmunu.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

KOLOSSE 3:10

Madung dipapakehon tu hamu ngolu na imbaru, na laing torus dipaimbaru anso dapotan parbinotoan na sintong mangihutkon rupa ni Panompania.

1 TESSALONIKA 3:12

Sai dipabahat, jana dipalobi Tuhanta ma holong ni roha di hamu sama hamu, bope mida ganop halak, laing songon hami mida hamu.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

PILEMON 1:6

Hutangiangkon do anso nian parkahamaranggionta songon angka halak na porsaya mur pamalohon hita mangastui sude angka pasupasu na tajagit hara ni na domu hita dohot Kristus.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.