PILIPPI 1:4 - BIBEL JAMITA NA DENGGAN

⁴ Jana ganop hutangiangkon hamu sudena, sai di bagasan jop ni roha do au na martangiang i.

PILIPPI 1:4 ပူးပေါင်းရင်းမြစ်များ

MARKUS 5:5

Arian na borngin do ia malat-alat di kuburan i dohot di dolok-dolok i jana marsurahi, dibalbali ia pamatangnia i dohot batu.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 15:7

Laing songon i ma pangalahona di banua ginjang i, tangkas ma Hupaboa di hamu! Jumop do roha ni Tuhan hara ni sada halak na jahat na pauba rohana sian angka dosana ulang pado sisambilan pulu sambilan halak na denggan roha na so porlu paubahon roha.”

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

PILIPPI 2:2

Hara ni i pasonang hamu ma jolo rohangku di bagasan angka pangalaho sisongon on: Saroha ma hamu na mangolu i di bagasan holong ni roha na sarupa dohot pikiran na sarupa bope dohot tujuan na sarupa.

PILIPPI 3:18

Madung jotjot nian hupaboa tu hamu, jana huulahi muse saonnari mardongan ilu; bahat do halak na mangolu songon musu maradopkon hayu parsilang ni Kristus i.

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

1 TESSALONIKA 1:2

Sai tongtong do hami mandok tarimakasi tu Debata hara ni hamu sudena, jana sai hami ingot do hamu di bagasan angka tangiangnami.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.