PILIPPI 1:22 - BIBEL JAMITA NA DENGGAN

²² Tapi muda angkon mangolu do au di tano on, angkon karejohononku ma karejo na marparbatu. Gabe nada huboto be sanga na dia sipilionku.

PILIPPI 1:22 ပူးပေါင်းရင်းမြစ်များ

PAMUNGKAAN 21:26

Didok si Abimelek ma, “Nada huboto dope bagi aha taringot tusi, nada unjung dope dipaboa ho i tu au, jana on dope huboto taringot tusi.”

PAMUNGKAAN 39:8

Nada ra si Josep jana didok ia ma, “Santabi nyonya, madung dipasahat tuanku si Potifar sandok sinadongannia anso huurus. Nada pola adong be sipikirannia di bagasan bagas on, hara ni na dison au.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

BAENON NI ANGKA RASUL 3:17

Hamu ale angka dongan! Saonnari madung huboto hara ni na so diboto hamunu do umbaen na dibaen hamu songon i, laing songon i ma nang angka pamimpinmunu.

SURAT NI SI PAULUS TU PARLAGUTAN ROM 1:13

Hamu ale angka dongan! Por do rohangku nian sugari tibu diboto hamu na dung jotjot sai giot ro au mandapotkon hamu, hape sai tongtong dope adong halanganna. Por do rohangku sugari laing dohot ma nian di tonga-tongamunu adong guna ni karejongku, songon na hubaen di tonga-tonga ni angka bangso na asing na dung marsuha di angka inganan na asing.

SURAT NI SI PAULUS TU PARLAGUTAN ROM 11:2

Nada! Nada diambungkon Debata bangso na nipiliNia i sian mulana. Diboto hamu do ale angka dongan na tarsurat di Buku Na Badia i taringot tu si Elia, di na niaduhonNia pangalaho ni halak Israel tu Debata. Didok si Elia,

2 KORINTUS 10:3

Tutu nian laing di portibi on dope hami maringanan, tapi nada sinjata na nipake ni portibi on hami pake na marjuang i.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

PILIPPI 1:24

tapi hara ni na pasari-sari hamu gabe dumenggan dope au laing mangolu di tano on.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.