PILIPPI 1:18 - BIBEL JAMITA NA DENGGAN

¹⁸ Tapi aha ma pola i! Harana sanga na bia pe, denggan sanga na jat maksud ni halahi na manjamitahon i, laing Kristus do na nijamitahon i, jop do rohangku disi. Jana tongtong do songon i pangkilalaanku,

PILIPPI 1:18 ပူးပေါင်းရင်းမြစ်များ

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MARKUS 12:40

Angka na mabalu dipaoto-oto halahi muse laho mambuat bagasna i. Ginjang-ginjang dibaen halahi hata ni tangiang ni halahi laho manutup-nutupi hajahatan ni halahi i. Na boratan do saulahon uhuman tu halahi!”

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

LUKAS 9:50

Didok Jesus ma, “Ulang antahi hamu halahi, angke halak na so mangalo hamu, na mamihak tu hamu do i.”

SURAT NI SI PAULUS TU PARLAGUTAN ROM 3:9

Jadi bia do na dumenggan dope hita hara ni halak Jahudi i hita, ulang pado halak na asing? Satutuna, nada! Madung tapajojor nangkin, sanga na halak Jahudi, sanga na halak na asing pe, sude do hita di toru ni kuaso ni dosa.

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

1 KORINTUS 10:19

Aha na hudok disi? Adong dehe arti ni gana-ganaan sanga arti ni sipanganon na nihaulkon tu gana-ganaan i?

1 KORINTUS 14:15

Antong, bia noma? On noma sibaenonniba: Martangiang ma iba dohot tondiniba, tapi martangiang muse ma iba dohot rohaniba. Marende ma iba dohot tondiniba, tapi laing giot marende muse ma iba dohot rohaniba.

1 KORINTUS 15:11

Hara ni i bope au sanga pe halahi laing i do jamitanami jana laing i do dihaporsayai hamu.

PILIPPI 1:19

angke huboto do, hara ni angka tangiangmunu i dohot hara ni pangurupi ni Tondi Ni Jesus Kristus angkon malua do au.