PILIPPI 1:15 - BIBEL JAMITA NA DENGGAN

¹⁵ Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.

PILIPPI 1:15 ပူးပေါင်းရင်းမြစ်များ

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 11:20

Tapi adong do sian angka na porsaya i na marasal sian Siprus dohot sian Kirene na kehe lopus tu Antiokia. Jana dijamitahon halahi do Jamita Na Denggan bahaso Tuhan do Jesus i dohot tu angka halak Junani.

BAENON NI ANGKA RASUL 5:42

Jana torus do halahi ganop ari mangajari di Bagas Ni Debata dohot di angka bagas ni halak, mamaritahon Jamita Na Denggan taringot tu Jesus Kristus.

BAENON NI ANGKA RASUL 8:35

Dung i dipungka si Pilipus ma mandok hata jana sian ayat-ayat i ma dipungka ia manjamitahon Jamita Na Denggan i tu parpangkat i, i ma taringot tu Jesus.

BAENON NI ANGKA RASUL 8:5

Si Pilipus, kehe ma ia tu kota Samaria dijamitahon ia ma disi taringot tu Kristus.

BAENON NI ANGKA RASUL 9:20

Torus masuk ma ia tu angka bagas paribadatan, jana dipungka ia ma manjamitahon paboa Jesus i do Anak Ni Debata.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

1 KORINTUS 1:23

Hape anggo hita hum taringot tu Kristus na mate di parsilang i do tajamitahon. Hancit do roha ni halak Jahudi dibaen barita i. Jana angka bangso na asing na so Jahudi, dietong halahi do haotoan jamita i.

1 KORINTUS 13:3

Sugari sude pe sinadonganniba dilehen tu halak na pogos, jana sugari pe nipadiar pamatangniba hona tutung, tapi anggo so nihaholongan do halak na asing, nada adong guna ni i sudena.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.

2 KORINTUS 11:13

Angka rasul na so tutu do i. Angka parkarejo na paoto-oto halak do i na pasuman-sumankon songon rasul ni Kristus.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.