PILIPPI 1:13 - BIBEL JAMITA NA DENGGAN

¹³ Gabe sude ma angka pangawal ni bagas godang dohot angka halak na asing na dison umbotoan, tarhurung pe au hara ni na gabe sahalak naposo do au di Kristus i.

PILIPPI 1:13 ပူးပေါင်းရင်းမြစ်များ

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

BAENON NI ANGKA RASUL 26:31

Dung di ruar, mangkata-hatai ma halahi, “Nada adong dibaen bayo on sanga aha na patut angkon mate niuhuman ia sanga hurungkononkon,” ninna halahi.

BAENON NI ANGKA RASUL 28:17

Dung tolu ari dipiohon si Paulus ma angka bagian hatobangon ni halak Jahudi na disi. Jadi dung marlagut halahi, mandok hata ma ia tu halahi, “Hamu ale angka dongan! Nada adong salangku maradopkon bangsonta, sanga na mangalanggar adat hasomalan na tajagit sian angka ompunta sijolo-jolo tubu. Tapi haru songon i pe, ditangkup do au di Jerusalem jana dipasahat tu halak Rom.

BAENON NI ANGKA RASUL 28:20

Hara ni i ma da hamu ale angka dongan, umbaen na hupiohon hamu anso mangkobar-hobari au dohot hamu; harana, tarrante pe au hara ni arop ni roha ni halak Israel i do,” ning ia.

BAENON NI ANGKA RASUL 28:30

Dua taon honokna si Paulus di Rom di sada bagas na niongkosnia sandiri. Tongtong do jop rohania manjagit halak, sanga na ise pe na ro mandapotkon ia.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

EPESUS 6:20

Gabe utusan do au hara ni Jamita Na Denggan i jana di hurungan saonnari. Tangiangkon hamu ma anso puluk au mangkobari taringot tu Jamita Na Denggan i, songon na patut sidohononku.

PILIPPI 1:30

Saonnari dohot muse ma hamu rap dohot au di sada paraloan; i ma paraloan na dung niidamunu na salpu i huparalohon jana na laing huparalohon lopus tu sadari on songon na nibegemunu saonnari.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

PILIPPI 4:22

Sudena halak na badia dison, lumobi sian halahi na sian bagas godang ni Kesar i, manongos tabe do tu hamu angka dongan.

2 TIMOTEUS 2:9

Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.