PILIPPI 1:11 - BIBEL JAMITA NA DENGGAN

¹¹ Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

PILIPPI 1:11 ပူးပေါင်းရင်းမြစ်များ

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

JESAYA 5:2

Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 61:11

Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 15:8

Muda ramos hamu marbatu, gabe hasangapan ni Ama i do i; songon i ma dalanna baenonmunu patuduhon na tutu situtu hamu siihutkon Au.

SURAT NI SI PAULUS TU PARLAGUTAN ROM 15:28

Muda dung sidung hubaen karejongkon, jana hupasahat pangurupion na nipalagut i tu halahi na di Jerusalem, kehe ma au tu Luat Spanyol mamolus sian kotamunu on.

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

2 KORINTUS 9:10

Debata do na pasingkop same di si panyabur dohot roti sipanganon. Laing Ia muse do na pabahatkon suha ni suan-suananmunu, parbatu ni hatigoranmunu.

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

EPESUS 1:14

Tondi i ma na gabe jaminan paboa na jagitonta ma sanga aha na nijanjihon ni Debata tu halakNia. Jana on ma na papos rohanta paboa na angkon paluaon ni Debata ma angka halakNia. Sipujion do Debata hara ni hagodanganNia i!

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

PILIPPI 4:17

Nada hum silehen-lehenmunu i na giot jagitonku, tapi anso huida do angka suha na patamba hauntunganmunu, i do na huhalungunkon.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

2 TESSALONIKA 1:12

Jadi muda songon i, marsangap ma goar ni Tuhanta Jesus Kristus di bagasan hamu, jana hamu di bagasan Ia, mangihutkon asi ni roha ni Debatanta dohot Tuhan Jesus Kristus.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

IBRANI 12:11

Tutu nian dompak hona ajar hita, nada sonang rohanta manjagit pangajaran i, hum na pahancit roha sajo do i nihilala. Hape dung salpu i, dilehen do di halahi parbatu ni hatigoran, na mangalehen hasonangan.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.