PILIPPI 1:10 - BIBEL JAMITA NA DENGGAN

¹⁰ anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

PILIPPI 1:10 ပူးပေါင်းရင်းမြစ်များ

PAMUNGKAAN 20:5

Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

JOB 12:11

Songon dilaniba na sai giot mandai na lambok, laing songon i do pinggolniba sai giot tumangi na nidok.

JOB 34:3

Diboto halak do sipanganon na tabo muda dung didaisa, dohot hata pandohan na bisuk muda dung dibegesa.

MIKA 3:2

o hamu na margoyak ni roha mida hatigoran jana mangkaholongi hajahatan! Dibobahi hamu do bangsongKi mangolu-olu, jana disingkili hamu juhutna i sian holi-holina.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

JOHANNES 3:20

Sude halak sibaen na jahat magigi do i tu na torang; nada ra ia ro tu na torang, angke nada jop rohania haidaan pangalahonia na jahat i.

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

SURAT NI SI PAULUS TU PARLAGUTAN ROM 16:17

Tapi hupaingot ma hamu, ale dongan, pardimata hamu ma angka na mangalo pangajaran na niguruhonmunu i, jana na mambaen parsalisian dohot pardandian. Padao hamu ma sian halahi.

SURAT NI SI PAULUS TU PARLAGUTAN ROM 2:18

na umboto hagiotNia, jana na umboto na denggan dohot na so denggan, hara ni na diajar di bagasan Tona i.

SURAT NI SI PAULUS TU PARLAGUTAN ROM 7:16

Antong, muda hukarejohon do na maralo tu hagiotku, i ma tandana na huoku paboa na denggan do angka Tona i.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

1 KORINTUS 8:13

Hara ni i, muda sipanganon do mambaen batu partuktuhan tu donganku, gumonan indangkon mangan juhut be au. Betak sai bia gabe batu partuktuhan i maradopkon donganku.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

2 KORINTUS 8:8

Nada songon parenta husosohon i tu hamu. Tapi na patuduhon haburjuon ni angka dongan na asing do mangalehen sumbangan laho mangurupi halak. Au pe giot ujionku do sanga na intap ni dia holong ni rohamunu.

GALATIA 5:11

Salaho tu au hamu ale angka dongan! Biasi sai gabe diayak-ayak au, muda laing hujamitahon na porlu dope paraturan ni sunat i? Angke muda hujamitahon dope songon i, tontu nada pola sihagigian be jamita taringot tu silang ni Kristus i.

EPESUS 4:15

Ulang songon i! Tapi angkon pabotohononta do na sintong hara ni holong ni roha, anso mur honok mur tu sanggamna hita di sude pangalaho songon Kristus na gabe Uluanta i.

EPESUS 5:10

Usahohon hamu ma mananda sanga aha na pasonang roha ni Tuhan.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

PILIPPI 1:16

Anggo halahi hara ni holong ni rohana tu Debata do dibaen halahi songon i, mampartahankon Jamita Na Denggan i.

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

HALUMBAAN 2:2

Huboto do sanga aha na nibaenmunu: Madung disitutui hamu karejo jana sobar sajo do hamu. Huboto do na so dilehen hamu rohamunu tu angka halak parjahat. Jana madung diuji hamu angka halak na mangoku dirina rasul, hape na so tutu do, gabe tardapot do halahi pargabus dibaen hamu.