PILEMON 1:5 - BIBEL JAMITA NA DENGGAN

⁵ Harana madung hubege dihaholongi ho do sude halak na porsaya jana dihaporsayai ho do Tuhan Jesus.

PILEMON 1:5 ပူးပေါင်းရင်းမြစ်များ

MASMUR 16:3

Hupasangap angka halak na daulat di luat on, tinggal rap dohot halahi, i ma huhagiotkon.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

1 KORINTUS 16:1

Saonnari taringot tu hepeng na giot silehononmunu ma tu angka donganta sahaporsayaan, anggo anjuranku tu hamu, baen hamu ma i songon na huanjurkon tu angka parlagutan na di Galatia.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

EPESUS 1:15

Hara ni i, mamungka sian na dung hubege hamu porsaya tu Tuhan Jesus, jana dihaholongi hamu do sude halak na porsaya,

1 TESSALONIKA 3:6

Saonnari madung mulak si Timoteus jana madung dipalalu ia barita jop ni roha taringot tu haporsayaan dohot holong ni rohamunu. Pandoknia tu hami, denggan do parningotanmunu taringot tu hami di bagasan rohamunu. Jana por do rohamunu sugari mida hami, laing songon por ni rohanami sugari mida hamu.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.