PILEMON 1:22 - BIBEL JAMITA NA DENGGAN

²² Jadi laing pasingkop muse ma jolo ingananku di bagasmu, angke arop do rohangku tangihonon ni Debata do tangiang ni hamu sudena jana obanonNia au mangulahi tu tonga-tongamunu.

PILEMON 1:22 ပူးပေါင်းရင်းမြစ်များ

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

SURAT NI SI PAULUS TU PARLAGUTAN ROM 15:24

Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

2 KORINTUS 1:11

Dibaen dohot do hamu mangurupi hami markite-hite tangiangmunu, anso bahat halak mandok tarimakasi hara ni pasupasu na hami jagit markite-hite bahat ni tangiangmunu tu hami.

PILIPPI 1:19

angke huboto do, hara ni angka tangiangmunu i dohot hara ni pangurupi ni Tondi Ni Jesus Kristus angkon malua do au.

PILIPPI 2:24

Porsaya do au muda ibo roha ni Tuhan, au sandiri pe nada pola sadia honok be, ro ma au manopot hamu.

IBRANI 13:19

Tarlobi gomos hupangidohon, anso laing tangiangkon hamu ma au. Tangiangkon hamu ma anso tumibu dioban Debata au mangulahi tu tonga-tongamunu.

IBRANI 13:23

Boto hamu ma si Timoteus donganta i madung malua ia sian hurungan. Muda dung di inganankon ia, obanonku do ia muda ro au manopot hamu sanoli on.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

2 JOHANNES 1:12

Bahat sajo do nian na giot pajojoronku tu hamu, tapi huhilala dumenggan ma ulang pola markite-hite surat. Arop do rohangku tarbaen au manopot hamu jana mandok hata au sandiri tu hamu anso tutu situtu marjop ni roha hita.

3 JOHANNES 1:14

Didok rohangku nada pola sadia honok nari marsuo ma au dohot ho, disi ma hita na dua mangkobari.