Hara ni i do umbaen na husuratkon songon i tu hamu. Nada ra au ro manopot hamu anso marsak, harana hamu do na sapatutna angkon pajop rohangku. Harana pos do rohangku, muda marjop ni roha au, dohot do hamu sude marjop ni roha.
Laing hami suruhon do sahalak donganta na asing rap dohot si Titus donganta i. Madung jotjot ia hami uji jana tongtong do sai ra ia mangurupi. Tarlobi-lobi saonnari, ringgas do rohania laho mangurupi hamu hara ni godang ni arop ni rohania di hamu.
Haru songon i pe laing pos do rohangku na so marsalisi pandirianmunu, hara ni na dung marsada hita dohot Tuhan i. Jana laing pos do rohangku, sanga na ise pe na manggaori pikiranmunu, angkon uhumon ni Debata do i.