PILEMON 1:20 - BIBEL JAMITA NA DENGGAN

²⁰ Jadi hara ni i laing urupi ma jolo au hara ni Tuhan i; pajop ma jolo rohangku songon kahanggimu hara ni Kristus.

PILEMON 1:20 ပူးပေါင်းရင်းမြစ်များ

1 KORINTUS 16:18

Angke diapoi halahi do au dohot hamu. Hara ni i pasangap hamu ma angka halak na songon i.

2 KORINTUS 2:2

Harana muda marsak hamu hara ni au, gabe ise muse be na mangapoi au, anggo inda halak na hupaarsak i?

2 KORINTUS 7:13

I do mambaen gabe tarapul rohanami. Jana nada hum tarapul, mur jop dope rohanami marnida jop ni roha ni si Titus; madung diapoi hamu sudena ia.

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

PILEMON 1:12

Tampuk ni pusupusungkon, hutongos mangulahi saonnari tu ho.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

1 JOHANNES 3:17

Muda adong sada halak na marsinadongan di tano on na marnida donganna markahurangan, hape nada ra ia patuduhon ibo ni roha tu donganna i, bia ma he pandoknia na holong rohania tu Debata?

3 JOHANNES 1:4

Nada adong jop ni rohangku na gumodang di balik ni on, muda hubege na mardalan do dakdanakku di bagasan hasintongan i.