PILEMON 1:17 - BIBEL JAMITA NA DENGGAN

¹⁷ Jadi, hara ni na nietongmu au songon dongan Kristen, antong jagit ma si Onesimus mangulahi dos songon na manjagit au.

PILEMON 1:17 ပူးပေါင်းရင်းမြစ်များ

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

MATEUS 18:5

Dung i halak na manjagit dakdanak na songon on di bagasan goarKu, laing na manjagit Au do halak na songon i.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

2 KORINTUS 8:23

Anggo taringot tu si Titus, ale-alengku do i, donganku saparkarejoan laho mangurupi hamu. Jana taringot tu angka dongan na asing i na rap kehe dohot ia, angka utusan ni parlagutan i do halahi – gabe sada puji-pujian di Kristus i.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

PILEMON 1:10

pajojorkon pangidoan tu ho taringot tu anakku na hudapot hatiha di hurungan au, i ma si Onesimus.

PILEMON 1:12

Tampuk ni pusupusungkon, hutongos mangulahi saonnari tu ho.

PILEMON 1:18

Muda na adong salania sanga utangnia tu ho, padiar ma au mananggung i sudena.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 3:14

Sapartohapan do hita on sudena rap dohot Kristus; asal ma togu tatiop lopus tu ujungna, sanga aha na tahaporsayai di mulana i.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.