PILEMON 1:16 - BIBEL JAMITA NA DENGGAN

¹⁶ Saonnari nada hum hatobanmu be ia; lobi sian i noma. Dongan haholongan noma ia hara ni Kristus. Marguna situtu do ia di au: Lumobi di ho, tontu marguna situtu do ia sanga pe songon jolma sanga pe songon kahanggi di bagasan Tuhan.

PILEMON 1:16 ပူးပေါင်းရင်းမြစ်များ

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”

1 KORINTUS 7:22

Harana muda adong sada hatoban na porsaya tu Tuhan, i ma na gabe halak na dipalua jana Tuhan nampunasa. Laing songon i do halak na malua na dipio ni Kristus, i do na gabe naposoNia.

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.