PILEMON 1:14 - BIBEL JAMITA NA DENGGAN

¹⁴ Tapi nada tarbaen au sanga na aha, anggo so jolo adong isin sian ho. Dumenggan do ninna rohangku muda sian ias ni rohamu sandiri mambaen songon i; nada ra au mamaksa ho.

PILEMON 1:14 ပူးပေါင်းရင်းမြစ်များ

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

2 KORINTUS 9:5

I ma umbaen na porlu huhilala marsuru angka donganta on mandapotkon hamu parjolo laho paturehon angka pangurupion na nijanjihonmunu i. Jadi muda ro au sanoli on, madung singkop nian sude silehen-lehenmunu i. Jadi tarida ma na sian burju ni rohamunu do na mangalehen i, nada hara ni na tarpaksa.

2 KORINTUS 9:7

Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.