PILEMON 1:12 - BIBEL JAMITA NA DENGGAN

¹² Tampuk ni pusupusungkon, hutongos mangulahi saonnari tu ho.

PILEMON 1:12 ပူးပေါင်းရင်းမြစ်များ

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PILEMON 1:11

Najolo nada adong gunania be di ho, tapi anggo saonnari madung marguna situtu, nada hum di ho sajo, tapi dohot do di au.

PILEMON 1:13

Satutuna nian sai giot tioponku do ia dison gabe songon gontimu anso tarbaen ia mangurupi au salolot ditahan au di hurungan on hara ni Jamita Na Denggan i na sian Debata.