PILEMON 1:1 - BIBEL JAMITA NA DENGGAN

¹ Sian si Paulus, sada halak na tarhurung hara ni Kristus Jesus, dohot sian si Timoteus donganta, tu si Pilemon na nihaholongan, dongan saparkarejoannami.

PILEMON 1:1 ပူးပေါင်းရင်းမြစ်များ

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

EPESUS 6:20

Gabe utusan do au hara ni Jamita Na Denggan i jana di hurungan saonnari. Tangiangkon hamu ma anso puluk au mangkobari taringot tu Jamita Na Denggan i, songon na patut sidohononku.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

KOLOSSE 1:1

Sian si Paulus, rasul ni Kristus Jesus markite-hite hagiot ni Debata, dohot si Timoteus donganta i,

KOLOSSE 4:11

Tabe sian Jesus, i ma na nigoaran muse si Justus, sian sude halak Jahudi na mangkaporsayai Tuhan Jesus, hum halahi na tolu sajo noma saonnari na laing rap karejo dohot au laho mandalankon karejo na sian Debata. Tutu do diurupi halahi au.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

2 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Amanta, dohot Tuhan Jesus Kristus.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

PILEMON 1:23

Palalu tabe do tu ho si Epafras na tarhurung rap dohot au hara ni Jesus Kristus.

PILEMON 1:24

Laing jagit ma tabe ni angka donganku: Si Markus, si Aristarkus, si Demas dohot si Lukas.

PILEMON 1:9

Tapi hara ni holong ni roha, gumonan noma mangido au tu ho. Au, si Paulus na dung matobang, jana na dihurung saonnari hara ni Kristus Jesus,