PARJAMITA 9:6 - BIBEL JAMITA NA DENGGAN

⁶ Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

PARJAMITA 9:6 ပူးပေါင်းရင်းမြစ်များ

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

PODA 10:28

Arop ni roha ni halak na denggan mambaen ia marjop roha; arop ni roha ni halak na jahat do na soada.

PARJAMITA 2:10

Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

PARJAMITA 9:1

Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

JESAYA 38:11

Pandokku, nada idaonku be da Tuhan di luat ni angka jolma na mangolu; nada idaonku be umpe sahalak pangisi ni portibi on.

MATEUS 2:20

Didok surusuruan i ma, “Jongjong ma ho! Buat ma Dakdanak i dohot inangNa i, oban ma halahi mulak tu tano Israel. Harana, ma mate angka halak na giot mamunu Dakdanak i.”