PARJAMITA 9:3 - BIBEL JAMITA NA DENGGAN

³ Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

PARJAMITA 9:3 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

JOB 15:16

Mur jolma na rorang dohot na jurngit ma hape, na mandorguk hajahatan songon aek.

JOB 21:26

Hape anggo di kuburan an, rap modom halahi margayangan; dirongomi binga boti ulohan.

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

MASMUR 64:7

Hape ditembakkon Debata do panaNia tu halahi, jana manigor mabugang ma halahi.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 7:25

Haru songon i pe torus do au marsiajar dohot manjalahi parbinotoan, anso dapotan bisuk dohot alus di sude parsapaan. Boti anso mangarti iba bahaso haotoan do dosa jana hajungkaton do hajahatan.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

PARJAMITA 9:2

Tutu do nian, sarupa do bagian na mandondoni ganop jolma: Halak na jujur sanga halak na jurngit, halak na burju sanga pe halak na jahat, halak na ias sanga pe halak na hodar, halak na manghaulkon haul sanga na so marhaul. Nada dumohar halak na burju sian halak na mardosa, mandosdos do halak na marsumpa dohot halak na so ra marsumpa.

PARJAMITA 9:4

Tapi salolot mangolu pamatangniba, salolot ni i ma adong arop ni roha. Nada he maruntungan anjing umpado singa muda mangolu anjing i jana singana i mate?

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

LUKAS 15:17

Ujungna sadar ma ia, didok ia ma, ‘Sai bahat angka parkarejo na lobian sipanganon di jolo ni damang hape anggo au mate tangkuraparon ma dison!

LUKAS 6:11

Tapi anggo halak Parise i dohot angka Siboto Surat na disi, milas sajo ma roha ni halahi, martahi ma halahi sanga songon dia baenon ni halahi tu Jesus.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

BAENON NI ANGKA RASUL 26:11

Jotjot do huparkanciti halahi di angka bagas paribadatan, jana hupaksa halahi mansoadahon na nihaporsayaan ni halahi. Hara ni goyak ni rohangku paida-ida halahi, hukojar-kojar do halahi lopus tu kota na asing.”

BAENON NI ANGKA RASUL 26:24

Jadi taran na pajojorkon pambelaan i dope si Paulus manggora ma si Pestus, “Madung rintik ho Paulus! Parbinotoanmu na bahat i do mambaen ho rintik!” ning ia.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

2 PETRUS 2:16

Tapi manjagit sipaingot na pir do ia hara ni hajahatannia i, di na mandok hata songon jolma halodenia na so malo mangkobari i laho mangantak haotoan ni panurirang i.