PARJAMITA 9:2 - BIBEL JAMITA NA DENGGAN

² Tutu do nian, sarupa do bagian na mandondoni ganop jolma: Halak na jujur sanga halak na jurngit, halak na burju sanga pe halak na jahat, halak na ias sanga pe halak na hodar, halak na manghaulkon haul sanga na so marhaul. Nada dumohar halak na burju sian halak na mardosa, mandosdos do halak na marsumpa dohot halak na so ra marsumpa.

PARJAMITA 9:2 ပူးပေါင်းရင်းမြစ်များ

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

PARJAMITA 6:6

Jana dumengganan do i umpado halak na mangolu dua ribu taon, hape nada jungada marhamogaan. Nada he rap kehe tu inganan na sarupa do na dua i?

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JEREMIA 43:6

Halaklahi, dadaboru, angka dakdanak, dohot angka boru ni raja na nipasahat ni si Nebusaradan jagoon ni si Gedalya, dohot ma au disi dohot si Barukh, dioban ma sude tu Mesir.

MALEAKI 3:15

Hara ni i do hita dokkon bahaso marsonang-sonang do angka halak na jungkat, angka na jahat, salang Debata pe diuji halahi do, tapi laing malua do halahi sian jaya.”

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

1 SAMUEL 14:26

tapi sahalak pe nada adong na mangankon bagi na aha sian aer loba i, hara ni biarna hona bura ni si Saul.