PARJAMITA 9:15 - BIBEL JAMITA NA DENGGAN

¹⁵ Adong do sada halak na marbisuk di kota i. Jadi gabe malua ma kota i dibaen ia. Tapi hara ni na pogos ia, manigor dihalupahon ma pambaenannia i jana umpe sahalak na marningot ia.

PARJAMITA 9:15 ပူးပေါင်းရင်းမြစ်များ

PAMUNGKAAN 40:23

Tapi anggo pangurus ni siinumon i nanggo diingot ia be na masa tu si Josep – sandok, lupa ma ia tu si Josep.

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

PODA 21:22

Halak na bisuk tartaban ia do kota na nijago ni ulubalang dirumpakkon ia do angka benteng parondingan.

PARJAMITA 2:16

Halak na oto manigor dihalupahon, tapi halak na maruli habisuhon pe, nada ingoton. Lolot-lolot muli mago do hita sudena sian parningotan. Angkon mate do hita sudena, halak na pistar bope halak na oto.

PARJAMITA 4:13

Bolas do halak na pogos gabe raja, jana sada halak tahanan bisa do pinda tu ginjang ni habangsa. Tapi muda maototu do raja i manjagit sipaingot di umurna na tobang, gabe jumatjat dope jambarnia sian doli-doli na pogos tapi pistar.

PARJAMITA 7:19

Margunaan do habisuhon di nampunasa, umpado sampulu na markuaso di sada kota.

PARJAMITA 8:10

Jungada do huida mate halak na jahat lalu dikuburkon. Tapi di na mulak au sian kuburan, hubege ma ia dipapuji-puji angka halak na di kota inganannia mambaen hajahatan i. Jadi, i pe magopo do.