PARJAMITA 9:12 - BIBEL JAMITA NA DENGGAN

¹² Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

PARJAMITA 9:12 ပူးပေါင်းရင်းမြစ်များ

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

PODA 24:22

Bolas do mago santongkin i jolma sisongon i, harana parmaraan na niparo ni Debata sanga raja, indada parkaro na menek.

PODA 29:6

Tardapot do parjahat dibaen dosana, halak na tigor bebas jana moga pangkilalaanna.

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

PARJAMITA 8:8

Nada adong sahalak pe na tarbaen manahan sanga manyundati hamateanna. Paraloan na so tarpasidingsa do i, nada tarbaensa malua sian i, haru pe mardongan sipaoto-oto dohot na mangakali.

PARJAMITA 9:13

Di tano on adong do tiruan na denggan na huida. Salaho tu parnidaan ni jolma maradopkon habisuhon:

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JESAYA 30:13

Hara ni i marsala do hamu. Tarsongon tembok na gincat do hamu na matapor sian ginjang lalu tu toru; tompu noma hamu maronco.

JEHESKIEL 32:3

Taran marlagut angka bangso, tangkuponKu ma ho dohot jalangKi, jana padiaronKu ma ho saraton ni angka bangso-bangso i tu darat.

HOSEA 7:12

Tapi taononKu noma jaring, jana tangkuponKu halahi songon na manangkup unggas na mamolus. UhumanKu noma halahi hara ni angka parbuatan ni halahi na jahat i.

HOSEA 9:8

Efraim, bangso ni Debatangku mangintip angka panurirang, mambaen jorat songon na manangkup unggas di angka dalanna. Dimusui halahi do angka panurirang i di Bagas Ni Debata.

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

LUKAS 12:39

Ingot hamu ma i! Anggo diboto nampuna bagas do sanga sadihari ro panangko, jago ma ia di bagasnia i, nada loasonnia buharon bagas i.

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

2 TIMOTEUS 2:26

Jadi anso gabe torang roha ni halahi mangulahi jana talgang sian sambil ni Sibolis na manjorat halahi jana na mamaksa halahi mangihutkon hagiotna.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

2 PETRUS 2:12

Hape anggo angka guru pargabus i, songon binatang na so marakal do halahi, na tubu sian bakona, anso nitangkup jana nisambol. Inda marpikir halahi; na nionjar ni bakona sajo do na nibaen ni halahi, gabe incak-incak sajo ma didok halahi laho mangalo sude angka na so niastuan ni halahi. Hara ni angka parange ni halahi sandiri, angkon magete halahi songon binatang panyoro.