PARJAMITA 9:10 - BIBEL JAMITA NA DENGGAN

¹⁰ Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

PARJAMITA 9:10 ပူးပေါင်းရင်းမြစ်များ

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

NEHEMIA 2:12

Salolot na tolu ari i nada hupaboa sanga na tu ise pe bahaso na nilehen ni Debata boa-boa tu au laho mambangun kota Jerusalem mangulahi. Borngin-borngin ancogotna i ngot ma au jana hupiohon ma angka dongan sanga na piga halak kehe tu ruar ni kota. Asing sian halode na hutengget i, nada adong hami oban pahan-pahanan sitenggeton na asing.

NEHEMIA 4:2

Didok ia ma di jolo ni angka dongannia dohot tentara ni Samaria, “Aha do na dikarejohon ni halak Jahudi na gale i? Na giot bangunon ni halahi ma lakna mangulahi kota on? Diambang halahi do lakna tarpasidung di bagasan sadari karejo i, hara ni na manghaulkon haul sajo? Tarbaen halahi ma he lakna timbunan ni rompak-rompak i gabe batu tembok?”

NEHEMIA 4:6

Anggo hami laing hami toruskon do na padenggankon tembok i, jana nada sadia honok nari dung i, sidung ma dipadenggan sude tembok i lopus satonga gincatna, harana marsemangat do antong rayat i na mangharejohon i.

JOB 10:21

Santongkin nari noma anso kehe au jana nada mulak, mandapotkon luat na holom jana manggolap.

JOB 10:22

Luat na homur na gok halinu ni hagaoran, sarupa ma disi sinondang dohot hagolapan.”

JOB 21:13

Abis patabo-tabohon do ari-ari ni ngoluna, jana di bagasan dame marujung ma ngoluna.

MASMUR 6:5

Angke anggo dung do di hamatean nada ingoton be Ho, anggo di inganan ni halak na mate nada adong be mamuji Ho.

PODA 3:28

Ulang ma suru donganmu paintehon lalu tu ancogot anggo tarurupi ho do ia antong saonnari.

PARJAMITA 11:3

Sanga na sundung tu dia pe hayu marumpak, totop do i di inganan hadabuanna i payak. Muda marisi aek do ombun i jabat sorat, udan pe madabu ma tu tano maradu por.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

JESAYA 38:10

“Pandokku, satonga umur dope angkon kehe ma au, tu pintu ni harbangan ni hamatean do au dipio lalu tu ujung ni ngolungku.

JEREMIA 29:13

Jalahanmunu ma Au, jana dumpang hamu, dibaen sian sude rohamunu noma jalahanmunu Au.

BILANGAN 13:30

Tapi dipasonang si Kaleb ma roha ni na marungut-ungut tu si Musa. Ninna si Kaleb, “Angkon kehe do hita mambuat jana mangarampas luat i laing saonnari, angke tuk do gogonta mangalo halahi.”

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

1 KORINTUS 16:10

Muda ro si Timoteus, denggan ma jagit hamu ia anso tahan ia lolot di tonga-tongamunu, harana sarupa dohot au do ia, na markarejo di Tuhan i.

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

1 KORINTUS 9:26

Hara ni i do umbaen na marlojongi au tu tujuan na tontu. Tarsongon na martanding tenju, nada ra au marnayang ni roha laho manenju.

EPESUS 5:16

Parkasayahon hamu ma sude hatiha na denggan na adong di hamu, angka na jahat do na masa di hatiha on.

KOLOSSE 3:23

Sanga karejo aha pe dipasahat tu hamu, karejohon hamu ma i sian sude rohamunu songon na patupahon tu jolo ni Tuhan, nada songon na patupahon tu jolma.

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.