PARJAMITA 9:1 - BIBEL JAMITA NA DENGGAN

¹ Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

PARJAMITA 9:1 ပူးပေါင်းရင်းမြစ်များ

JOB 12:10

Ia do na mangatak mangatur sasudena na nitompa. Jana na kuaso di hosa ni ganop jolma manusia.

JOB 27:12

Nian, hamu sandiri pe madung marnida. Antong biasi dope datdatanmunu mangalehen sipaingot na so marguna?”

JOB 5:8

Sugari songon ho au, dohononku ma tu Debata, aduhononku noma tuSia, jana dipasahat parkaroniba.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 119:109

Sai husabung do tongtong ngolungku, tapi nada huhalupahon anggo TonaMu.

MASMUR 31:5

Hupasahat tu bagasan tanganMu ma tondingku, o ale Tuhan Debata na burju, na paluahon au.

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

PODA 16:3

Pangido ma Tuhan mamasumasu karejomu, gabe tulus ma sude sangkapmu.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

PARJAMITA 10:14

Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

PARJAMITA 7:15

Nada adong guna ni ngolungki, tapi salolot mangolu au huida do sasudena. Huhul mate do halak na burju i, haru pe tigor ia. Hape halak na jahat i ginjang do umurna, haru pe dipupu ia mardosa.

PARJAMITA 7:25

Haru songon i pe torus do au marsiajar dohot manjalahi parbinotoan, anso dapotan bisuk dohot alus di sude parsapaan. Boti anso mangarti iba bahaso haotoan do dosa jana hajungkaton do hajahatan.

PARJAMITA 8:14

Tapi sisoada do dohonon i sudena. Ligi ma sanga aha na tarjadi di tano on: Adong do halak na burju na hona uhum songon parjahat, adong do parjahat na dibalos songon halak na burju, jadi, i pe magopo do.

PARJAMITA 8:16

Di na huparayak manjalahi habisuhon jana huparrohahon sude na tarjadi di tano on, gabe huboto ma haru pe markarejo hita arian na borngin nada maradian,

PARJAMITA 8:7

Umpe sahalak na mamboto sanga aha bagian sipainteon, jana nada adong na malo mandok sanga aha na giot tarjadi.

PARJAMITA 9:6

Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JEREMIA 43:6

Halaklahi, dadaboru, angka dakdanak, dohot angka boru ni raja na nipasahat ni si Nebusaradan jagoon ni si Gedalya, dohot ma au disi dohot si Barukh, dioban ma sude tu Mesir.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.