PARJAMITA 8:8 - BIBEL JAMITA NA DENGGAN

⁸ Nada adong sahalak pe na tarbaen manahan sanga manyundati hamateanna. Paraloan na so tarpasidingsa do i, nada tarbaensa malua sian i, haru pe mardongan sipaoto-oto dohot na mangakali.

PARJAMITA 8:8 ပူးပေါင်းရင်းမြစ်များ

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

2 RAJA-RAJA 7:15

Kehe ma halahi lalu tu Batang aek Jordan. Sapanjang dalan i diida halahi ma pakean dohot angka parkokas marsarsaran; na niparsampakkon ni halak Siria i do sudena i di na maporus halahi paluahon dirina. Mulak ma angka suruan i jana dipaboa halahi ma tu raja i.

JOB 14:5

Na dung nitontuhonMu do umur ni jolma dipastihon Ho do bilangan ni bulanna. Ditontuhon Ho muse angka batas ni ngoluna na so tarbaen be i salpuannia.

JOB 34:14

Sugari disintakkon Debata hosa ni jolma, jana dibuatkon mangulahi hosa ni hangoluanna,

MASMUR 89:48

Ise ma tarbaen torus mangolu so pola mate? Ise tarbaen malua sian kuburan?

MASMUR 9:17

Hamatean do bagian ni halak pardosa, angka bangso na so manghabiari Debata.

PODA 12:3

Nada hot marbungaran halak hara ni hajahatan; halak na jujur hot do so tarhutur.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PARJAMITA 3:21

Nada he taboto, na manaek do tondi ni jolma tu ginjang jana tondi ni binatang i mijur tu bagasan tano?

PARJAMITA 8:13

Sabalikna, anggo halak na jahat dapotan bahat hasusaan. Tibu salpu ngoluna i songon halinu. Mate ma ia dompak poso dibaen nada mangoloi ia tu Tuhanna.

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.

JESAYA 47:10

Aman dihilala ho di bagasan hajahatan, dipikir ho parbuatanmi nada haidaan. Dililuhon habisuhon dohot parbinotoan i do ho, gabe didokkon ho ma di bagasan rohamu, ‘Nada adong na asing sian au.’

1 KORINTUS 15:43

Na nitanom di bagasan halayason, mulak mangolu ma i di bagasan hasangapan. Na nitanom di bagasan hagaleon mulak mangolu ma i di bagasan hagogoan.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.