PARJAMITA 8:7 - BIBEL JAMITA NA DENGGAN

⁷ Umpe sahalak na mamboto sanga aha bagian sipainteon, jana nada adong na malo mandok sanga aha na giot tarjadi.

PARJAMITA 8:7 ပူးပေါင်းရင်းမြစ်များ

ESTER 5:12

Didok ia muse dope, “Salang Ratu Ester pe hum raja i do dohot au na niundangnia tu parjamuan na nibaennia di hami, jana ancogot borngin laing diundang ia muse dope hami.

PODA 24:22

Bolas do mago santongkin i jolma sisongon i, harana parmaraan na niparo ni Debata sanga raja, indada parkaro na menek.

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PARJAMITA 10:14

Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

PARJAMITA 9:1

Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MATEUS 24:50

Ro ma tuannia i di ari na so diambangnia, dohot di jom na so diboto ni naposo i.