PARJAMITA 8:6 - BIBEL JAMITA NA DENGGAN

⁶ Di sasude sanga na aha adong be do hatiha dohot dalanna sandiri, tapi otik sajo do na taastui.

PARJAMITA 8:6 ပူးပေါင်းရင်းမြစ်များ

JOB 10:13

Hape saonnari ma anso huboto di na sahonokna i, sip-sip madung ditahi rohaMu hamagoanki.

JOB 33:17

Maksudna anso diantak halahi na mambaen dosa lalu manadingkon ginjang ni rohana.

JOB 33:19

Dipangkulingi Debata do halak marhite na parohon nyae lopus sap sude pamatangna i hansit mangae.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 3:1

“Marhatiha do sude na masa, jana sanga aha pe di toru ni langit adong do hatihana.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

PARJAMITA 3:17

Ninna rohangku do di bagasan, uhumon ni Debata do halak na burju dohot halak na jahat, angke sude pangalaho dohot sude pambaenan na tarjadi do i di hatiha na nitontuhon ni Debata.

LUKAS 13:25

Sada hatiha jongjong ma nampuna bagas i jana ditutup ia ma pintuna i. Dung i jongjong ma hamu di ruar manektehi pintu i jana mandok, ‘Dibuka Tuan i ma jolo di hami pintu on!’ Alusan ni Tuan i ma, ‘Nada Huboto sanga sian dia hamu ro!’