17 nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.
Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.
Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.
Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.