PARJAMITA 8:14 - BIBEL JAMITA NA DENGGAN

¹⁴ Tapi sisoada do dohonon i sudena. Ligi ma sanga aha na tarjadi di tano on: Adong do halak na burju na hona uhum songon parjahat, adong do parjahat na dibalos songon halak na burju, jadi, i pe magopo do.

PARJAMITA 8:14 ပူးပေါင်းရင်းမြစ်များ

JOB 1:22

Jadi haru pe dibolus si Job sude sitaonon i, nada mardosa ia jana nada dipasala ia Debata.

JOB 21:7

Biasi lehenon ni Debata umur na ginjang tu parjahat, jana arta sinadonganna pe mur mabahat?

JOB 27:12

Nian, hamu sandiri pe madung marnida. Antong biasi dope datdatanmunu mangalehen sipaingot na so marguna?”

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

PARJAMITA 10:5

Adong hajahatan na asing huida di tano on, i ma hageduhan ni raja dohot parkuaso.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 7:15

Nada adong guna ni ngolungki, tapi salolot mangolu au huida do sasudena. Huhul mate do halak na burju i, haru pe tigor ia. Hape halak na jahat i ginjang do umurna, haru pe dipupu ia mardosa.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

MALEAKI 3:15

Hara ni i do hita dokkon bahaso marsonang-sonang do angka halak na jungkat, angka na jahat, salang Debata pe diuji halahi do, tapi laing malua do halahi sian jaya.”