PARJAMITA 8:11 - BIBEL JAMITA NA DENGGAN

¹¹ Biasi songon i momona halak mambaen hajahatan? Hara ni na so manigor do dilehen uhuman.

PARJAMITA 8:11 ပူးပေါင်းရင်းမြစ်များ

2 SAMUEL 11:15

Songon on ma suratna i, “Baen ma si Uria di jolo situtu, di parporangan na boratna i, dung i mundur ma ho anso mate ia.”

JOB 24:23

Dilehen Debata disia ngolu na sonang i, tapi nada marnamantak ia dimatai.

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 10:6

Ning rohania di bagasan, “Karejongku nada adong sundatna, nada hona mara salolotna.”

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:32

Tapi dison pe tong do dipajogal raja i rohana jana nada diloas ia kehe bangso i.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JEREMIA 48:11

Pandok ni Tuhan, “Sian najolo aman do Moab. Na so unjung dope i dioban tu habuangan. Songon aek ni anggur do ia na dipadiar mindo, jana na so jungada diusehon tu inganan na asing. Laing matua huskus anggurna i jana tabo.