PARJAMITA 8:1 - BIBEL JAMITA NA DENGGAN

¹ Tabona i antong halak na marbisuk. Diboto ia do alus ni sude parkaro. Mikim do ia marjop ni roha pambaen ni bisuk i, gabe mago ma sian bohina na markeruti.

PARJAMITA 8:1 ပူးပေါင်းရင်းမြစ်များ

PAMUNGKAAN 40:8

Alus ni halahi, “Na marnipi do hami, tapi nada adong halak dison na bisa patorangkon artina.” Ning si Josep ma, “Hum Debata do na mambaen tarpatorang jolma nipi. Patorang hamu ma jolo nipimunu i.”

JOB 33:23

Betak adong do sahalak surusuruan ni Debata, sian na marribu-ribu i na paingotkon halak, salaho tu sibaenonna, na giot ro manolong ia.

HARURUAR 34:35

jana diida halahi ma marsinondang bohinia. Gabe digupgupi si Musa ma bohinia i mangulahi lopus masuk ia mangulahi mangadop laho mangkatai dohot Tuhan.

PODA 1:6

Marhite dalan na songon i tardodo halahi ma bagasna arti ni poda jana botoonna ma alus ni angka na masa na nipatujolo ni angka halak na marbisuk.

PODA 12:8

Halak na marroha, papuji-pujion, halak na bodo panyaor-nyaoron.

PODA 17:24

Adop habisuhon do hagiot ni na pistar, tapi rarat do pangaligi ni na oto.

PODA 21:29

Nada diboto parjahat na maila, tapi muda halak partigor dipauba do pangalahona.

PODA 24:5

Marsahalaan do halak na bisuk ulang pado halak na gogo; umporlu do parbinotoan sian gogo.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

BAENON NI ANGKA RASUL 4:13

Homang ma roha ni angka na marlagut i marnida habaranion ni si Petrus dohot si Johannes, jana diboto halahi muse hape halak na somal do rasul na dua i na so pola marsikola. Dung i diboto halahi ma, hape angka na mangihutkon Jesus do rasul na dua i.

BAENON NI ANGKA RASUL 4:29

Saonnari ligi ma ale Tuhan pangondam ni halahi tu hami. Paloas ma hami Tuhan angka naposoMon pararatkon baritaMi so pola mardongan biar.

BAENON NI ANGKA RASUL 6:15

Marsiligi ma sude halak na disi i tu si Stefanus. Jana tarida ma disi bohi ni si Stefanus songon bohi ni surusuruan.

SURAT NI SI PAULUS TU PARLAGUTAN ROM 13:5

Hara ni i patut ma unduk rohanta, nada hum hara ni rimas ni Debata, tapi na dionjar ni taroktok i do.

EPESUS 6:19

Jana laing tangiangkon hamu ma dohot au, anso dilehen Debata di au hata na mardai muda hatiha mangkobari au. Boti anso puluk au pajojorkon rahasia ni Jamita Na Denggan i tu angka jolma.

PANGARATAION 28:50

Kejam do baenon ni halahi jana nada mamake ibo ni roha sanga na tu ise pe, bope tu na matobang bope tu na poso.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

2 PETRUS 1:20

Tapi na ummarga angkon ingotonmunu do on: Barita na sian Debata taringot tu angka na giot tarjadi sanoli on, nada adong hasurirangon marguru tu pandapotniba sandiri.