PARJAMITA 7:29 - BIBEL JAMITA NA DENGGAN

²⁹ Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

PARJAMITA 7:29 ပူးပေါင်းရင်းမြစ်များ

PAMUNGKAAN 5:1

On ma goar ni pomparan ni si Adam. (Di na manompa jolma i Debata, songon Debata sandiri do dijadihon Debata halahi.

MASMUR 106:29

Hara ni pangalaho i, ro ma murukMu, Tuhan, diparo Ho ma tu halahi nyae na jorbutan.

MASMUR 106:39

Pangalaho i ma mambaen hodar halahi; nada setia tu Debata halahi.

MASMUR 99:8

Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

PARJAMITA 8:1

Tabona i antong halak na marbisuk. Diboto ia do alus ni sude parkaro. Mikim do ia marjop ni roha pambaen ni bisuk i, gabe mago ma sian bohina na markeruti.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEHESKIEL 28:15

Sanggam do pangalahomu mamungka sian panompaonmu lopus tu na mamungka ho mambaen jahat.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.