PARJAMITA 7:26 - BIBEL JAMITA NA DENGGAN

²⁶ Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

PARJAMITA 7:26 ပူးပေါင်းရင်းမြစ်များ

PAMUNGKAAN 19:35

Songon i ma, borngin i mabuk ma si Lot dibaen halahi jana marcampur ma borunia paduahon i dohot ia. Jana masantaktu do mabuk ni si Lot, nada diboto ia na masa i.

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

HARURUAR 10:7

Dung i didokkon angka menteri i ma tu raja i, “Sadia honok nari sai arsahan ni halahon hita? Paloas ma halak Israel i kehe, anso maribadat halahi tu Tuhan Debata ni halahi. Nada he diida raja i sude tano Mesir madung sego?”

PODA 2:16

Anggo ho, ale anakku, tartulak ho do elek-elek ni dadaboru na so ture, dohot boru sileban na manggogo mangela ho marhite hata-hata na tabo.

PODA 22:14

Songon lobung do pamangan ni dadaboru panggampang halak na nimuruhan ni Tuhan, madabu tu bagasanna.

PODA 6:23

Angke songon palito do poda i; jana dalan hangoluan sipaingotna.

PODA 6:24

Angke jagohononnia do ho sian dadaboru jalang dohot sian hata ela-ela ni dadaboru na asing.

PODA 9:18

Barang ise na kehe tusi nada diboto ia na disi do hamatean, jana na masuk tu bagasna, madung masuk tu bagasan hamatean.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 7:27

Ligi ma, ninna Parhapistaran i: Dapot au do sudena i, di na hujalahi sian langka tu langka alusna.