PARJAMITA 7:18 - BIBEL JAMITA NA DENGGAN

¹⁸ Pasiding ma parkotian godang ni na dua i. Muda nihabiaran Debata, angkon malua do hita.

PARJAMITA 7:18 ပူးပေါင်းရင်းမြစ်များ

PODA 12:21

Nada masa jaya tu halak partigor, tapi marjaya do halak parjahat.

PODA 8:20

Dalan hajujuron do na huihutkon, di dalan hatigoran do na hulangkahon.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

PARJAMITA 3:14

Huboto do na tongtong do adong salolot-lolotna sude pambaenan ni Debata. Nada tartambai sanga tarurahi jolma pambaenan i, haru hum saotik pe. Jana songon i do dibaen Debata, anso mabiar hita tuSia.

PARJAMITA 5:7

Songon nipi bahat na so adong artina, laing songon i muse ma na so marguna bahat hata-hata. Tapi habiari ma Tuhan.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

PARJAMITA 8:13

Sabalikna, anggo halak na jahat dapotan bahat hasusaan. Tibu salpu ngoluna i songon halinu. Mate ma ia dompak poso dibaen nada mangoloi ia tu Tuhanna.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

LUKAS 11:42

Marjaya ma hamu angka halak Parise, dibaen dilehen hamu do parsampuluan sian angka suan-suanan na menek, inggu dohot ragam-ragaman ni simarata, tapi dilaosi hamu do tona dohot holong ni roha ni Debata. Angkon sikarejohonon do i, tapi ulang nitinggalkon na asing i.