PARJAMITA 7:16 - BIBEL JAMITA NA DENGGAN

¹⁶ Ulang maburjutu jana ulang mabisuktu. Aha guna ni na manyingkot?

PARJAMITA 7:16 ပူးပေါင်းရင်းမြစ်များ

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

JOB 11:12

Muda bisa halode manubuhon jolma, baru pe bisa halak na bodo gabe marbisuk.

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

PODA 23:4

Ulang nihalojahon laho makayo, tinggalkon ma hagiotmi.

PODA 25:16

Ulang nipangan bahat-bahat aer ni loba gabe gialan do ho baenonna.

PARJAMITA 12:12

Anakku, tu sada pangalaho angkon jamot do ho. Nada adong ujung ni panyuratan ni buku, jana mabahattu marsiajar mambaen loja do roha dohot pamatangniba.

MATEUS 23:29

“Marjaya ma hamu angka Siboto Surat dohot halak Parise! Pangalancap do hamu! Jeges-jeges dibaen hamu kuburan ni angka panurirang i, digorgai hamu angka tugu parningotan di halak na denggan ngoluna.

MATEUS 23:38

Anggo on angkon tinggalkonon ma angka bagasmu, gabe mamolngit.

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 9:14

Dung i ro ma anak sisean ni si Johannes Pandidi manyapai Jesus. Ninna halahi ma, “Biasi muda hami dohot angka Parise jotjot puaso, hape anggo anak siseanMu nada unjung puaso?”

LUKAS 18:12

Puaso do au dua noli di bagasan saminggu, jana hulehen do saparsampulu sian pangomoanku.’

SURAT NI SI PAULUS TU PARLAGUTAN ROM 10:2

Dibaen husaksihon do taringot tu halahi, na ringgas do halahi di Debata, tapi nada dohot roha na mangastui.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

1 KORINTUS 3:20

Adong muse do tarsurat songon on, “Diboto Debata do angka tahi ni na bisuk, tutu situtu do na so marguna sudena i.”

PILIPPI 3:6

Songon i ma situtu ni rohangku jabat do huparkanciti parlagutan i. Muda nitimbang sian angka Tona ni ugamo Jahudi, au ma sada halak na burju na so adong hurangna.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

KOLOSSE 2:23

Tutu nian anggo idaon songon na tumbuk do i, angka na manganjurkon halak anso manyomba surusuruan, martoruk ni roha dohot na mamparkanciti diri; tapi sudena i nada adong gunana anggo na laho mangatur hagiot ni jolma.

1 TIMOTEUS 4:3

Diajari halahi do halak anso ulang mambuat boru dohot mamantangkon angka sipanganon. Hape nian na nijadihon ni Debata do angka sipanganon i anso mardongan tarimakasi tu Debata, dipangan angka na porsaya tu Kristus dohot na dung mananda hasintongan ni Debata, angka sipanganon i.

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”